Илдарха-ГӀалий тӀара керттера стадион тоаеш боахк
Вай мехкадас Келаматанаькъан Махьмуд-Ӏаьлас тӀадилла, Илдарха-ГӀалий тӀара керттера стадион меттайоалаергья. Спортсменашта, бахархошта паргӀатта ха дӀаяхьа йиш йолаш, таханарча ханага хьежжа куц долаш хила еза стадион.
«Боккха болх ба цига дӀабахьа безар. Эггара хьалхарча оагӀонца, 300 сага моттигаш луш керда гӀандаш догӀа деза. Стадионерча яхьашка хьажа ухарашта паргӀато еш хургда из гӀулакх. Баскетбола лаьрхӀа дола доазув а, таханарча хано дӀадеххача тайпара хувцамаш деш, меттадоаладе деза. Цу оагӀонцара яхьаш, кийчон болх дӀакхахьа йиш хургья цига тӀаккха. ТӀера куц а, дӀачувоалача йоалла моартол а хувцаш дикка тоадергда», - дийцар «Сердалога» мехкарча Паччахьалкхен викалаша.
Хила деззача тайпара деррига тоадеш, къахьегаргда цига.
Беррига болх йистебаьлча, шахьара куц тоадеш, бахархой, спортсменаш тӀалатташ, хоза моттиг хургья цох.
