«Болх чакхбаьккха бала боахк къахьегамхой. Шахьара кулгалхоша даьча дехарах, дӀахьош болх ба из. ТӀий тоаде дезача хьале кхаьча дукха ха яр, цунга хьежжа, цу тӀагӀолла лела а кхераме дар. Цхьа кӀеззига кулг тохарах, кхоачам хургбоацаш дар тӀаь гӀулакх, эшаш хиннар дукха рузкъа дар. Даьла къахетамца, цхьан бизнесмена шийна дӀатӀаийцар цу балха эша ахча», - йоах тхогарча хоамо.

Хами махи баь варгвоацаш, доккха дика да, нах лелаш дола тишденна тӀий тоадар. Цу тӀагӀолла нах мел лелача хана, цу сага маьл хургболаш хӀама да из. БоаггӀача боараме тоадаь тӀий адамий дегаш гӀаддугаш да.