Илдарха-Гӏалий тӀара керда микрорайон тоаергья
«Доазонаш дегӀадоаладара» яхача паччахьалкхен программа чудоагӀаш Илдарха-Гӏалий тӀа керда микрорайон тоаеш болх дӀаболабу, яххаш, дийцар «Сердало» газетага шахьара мэре.
Хоам бу, хьалхарча аргӀагӀа лаьрхӀад инженерни балхаш кердадаха. ДукхагӀча даькъе, дикагӀа хий хьадоагӀаш хургдолаш керда турбаш чуйохкаргья 4 километр, уж я таханарча заман материалах яь. Къаьстта йола канализаце шиъ система хьакхолларгья: боахама-вахара хиш дӀаухаш йола моттиг еш, догӀаш дийлхача хиш хьаӀовш хургдоацаш кийчо еш.
«Проект йийкъай кхаь даькъа, цу юкъедоагӀаш да кхоачамбоацараш дӀадахар, дикал хургйолаш тӀахьажар.
Программа кхоачашъеш хиларо таро лу кердача микрорайона хьал а кхерамзле а Ӏалашъе, цунца цхьана Илдарха-Гӏалан бахархой вахара дикал лакхъе», - аьлар шахьара администраце.
