Илдарха-Гӏалий тӏара Джабагӏанаькъан урам йиллача ханал хьалха тоабир
Илдарха-Гӏалан 30 шу дузаш, бахархошта дика совгӏат дир. «Вахара хьалаш хьакхоллар» яхача къаман программа чудоагӏаш, ханал хьалха йистедаьхар Джабагӏанаькъан урам тоабара дола балхаш, яхаш, дийцар «Сердало» газетага мэре зарбан болх лелабеча Мутаӏаланаькъан Мадинас.
«Цу наькъ тӏара хин турбаш хийцар, асфальт биллар наькъа йистошка кхера оттабеш, никъ ба 2,5 км бӏаьха, меттаоттабир гӏашлой никъ. Иштта, республикан кулгалхоша хьаллоацаш, моттигерча Водоканала даькъ тӏа 1,5 км хин турбаш хийцар, укхаза новкъостал дир республикан кулгалхоша. Цига дакъа лоацаш бар Гӏалгӏайчен транспорта, автомобильни наькъий Министерствон болхлой, «Гӏалгӏай Республикан хица ӏалашо яра Цаӏ йола оператор», шахьара администраци», - аьлар хоамо.
Тхоца къамаьл даьчо яхачох, урама хьал воча даьннадар дукха хин турбаш цига лелхарах, цу урам тӏа дукха транспорт леларах дар из дукхагӏча даькъе.
