Мехкал арахьа дарба де баха гӀо дир, Илдарха-ГӀалий тӀарча бахархошта
27.08.2024 16:18
Шахьара даь гӀонча волча Йовлой Тимура кулгал деш, вахарерча гӀулакхех йолча комиссеца дӀайихьача кхетаче дийцар, халача хьале эттача бахархошта новкъостал дарах. Из хоам «Сердалога» бир мэре болхлоша.
«Шахьарерча бахархошкара кхаьча дехараш техкар мэре. ГӀо дийхараш пхи саг вар. Кхаь сага арахьа дӀабаха дарба де гӀо дир, цхьан сага ахчанца новкъостал дир, пхелагӀа дола дехар хьатӀаэцанзар, хӀана аьлча цу кхалсага укх шера новкъостал даь хиннад», - дийцар администраце.
Халача хьале нийсвала йиш я моллагӀа саг, масала, вахара хьал чоалхане долаш, дарба де ваха новкъостал эшаш, иштта кхыдола кхоачамбоацараш духьалдаьнна, хӀаьта шахьарерча кулгалхоша иштта гӀо деш хилар хам баь варгвоацаш да.
