ЦӀай дӀадахьа моттиг кийчъеш ба Илдарха-ГӀалий тӀа
26.08.2025 11:27
Заьзганаькъан Идриса цӀерах йола шахьара керттера стадион кийчъеш ба, Илдарха-ГӀалан 30 шу дизара хетадаь цӀай дӀадахьа.
«Укх беттарча 30-ча дийнахьа доккха цӀай оттаргда цига. 336 сага моттигаш луш долча доазон тӀара, гӀандаш тоадеш боахк карарча хана», - дийцар «Сердалога» Илдарха-ГӀалий тӀарча администраце. Баьццарча баь тӀа къоастадаьд концерта лаьрхӀа доазув.
Белгалде деза, тахан из шахьар дикка тоалуш латтилга. ХӀара денна бахархой гӀадбугаш, хувцамаш хул цига.
