Илдарха-ГӀалий тӀара хий тоадеш баьхкар болхлой
19.08.2025 09:21
Шахьарерча Осканаькъан цӀерах болча урама № 34 йолча цӀен кӀалхара хин турба ийккха, из хатар юстардоаккхаш баьхкар болхлой. «Сердалога» из хоам шахьара мэре бир.
«Ийккхачара хийцар болхлоша хин турба. Хьаиха хий арадаьккха, тӀоадалах гонахьа вар ца йижийта лаьрхӀа болх чакхбаьккхар.
Хин хьал, иштта тока хьал меттаоттадаь дӀабахар болхлой», - дийцар тха газетага. Эггара хьалхара хий массехк минота Ӏодахийтар дех бахархошка, цул тӀехьагӀа доагӀар хьаэцаргдолаш.
МоллагӀа хатар ийккха болх хуле, цу оагӀонцарча балхах йолча моттиге хоам бе безилга хьалхадаьккхар царна.
Иштта бахархой тӀахьийхар шоай цӀенца дувзаденна моллагӀа хӀама лорадара, доал дара.
