Илдарха-ГIалий тIарча таро йоацача дезалашта, 100 кхачан тормиг бийкъар
«Мехка сагIа» яхача боламга гIолла, 100 кхачан тIормиг бийкъар, Илдарха-ГIалий тIарча таро йоацача дезалашта. Из хоам тха «Сердалога» бир шахьара мэре болхлоша.
«Илдарха-ГIалий тIарча администраце гулбир тIема доакъашхой дезалаш. Таро эшаеннарашта, могаш боацарашта, цхьаь бахача боккхийча наха санна, сагIа дийкъар царна а», - йоах тхогарча хоамо.
Илдарха-ГIаланна хьакъоастадаь кхачан тIормиг 182 ба, царна юкъера тIема доакъашхошта лаьрхIараш - 82, юхебиса 100 тIормиг таро йоацарашта лаьрхIа ба. Хала боахкараш, гIо эшараш мичахьа бах ховш болча дийшача наха гIо деш, дIабихьар из болх. СагIа дийкъар Эбарга-Юрта а.
Эггара хьалхарча аргIагIа терко йир баракашка бахача Пригородни кхалерча бехарошта. 115 кхачан тIормиг бийкъар цига, юкъелаьцар тIема доакъашхой дезалаш а.
