Илдарха-ГӀалий тӀа, кагирхой воча наькъ тӀа балар дийцар
ГӀалгӀайчен Илдарха-ГӀалий тӀа, №7 йолча юкъерча ишкола актови зале, дийцар кагирхой харцахьарча наькъ тӀа баргбоацаш дола хьал а иштта наркоманена духьала къовсам лоаттабар а. Из хоам бир «Сердало» газетага шахьара администраце.
«Цу кхетаче дакъа лоацаш хилар шахьара администраци, депутаташ, дин викалаш, хӀарман совет, бокъонаш лораю болхлой.
ДукхагӀча даькъе дувца оттадаь дош дар, наькъа хьовзам хургболаш дола наркоманеца дувзаденна хьал даржаргдоацаш, из юхатоха дезаш хиларах лаьца; интернета кхерамзленца дувзаденнача хаттарех лаьца; цахаддаш терроризма, экстремизма духьалъоттара бола кхетам лу болх дӀабахьа безарах», - аьлар хоамо.
Цу тайпара кхетаченаш дӀахьош хиларах, лакхехьа белгалдаьча дешаех йола уйла хувцалу кагирхой; цар новкъостал ду водар, дикадар къоастаде, шоаш унзарча наькъах лорабе.
