Илдарха-Гӏалий тӀа дийцар чоалханегӀа дола дешаш
Илдарха-Гӏалий тӀа администраце аппарата кхетаче хилар, цига шахьара Ӏаьдало дийцар массехк халагӀа дола хаттараш, яхаш, дийцар «Сердало» газетага цигарча зарбан болх лелабераша.
Дувца оттадаь дош дар юрташта, шахьарашта юкъера транспорт дӀайолаяр, санитарни хьалашка хьажар, наькъаш тоадар.
Шахьара кулгалхочо Дидиганаькъан Ахьмада белгалдир, коммунальни хьалаш, инженерни бувзамаш дикагӀа дегӀадоаладе дезаш хиларах.
ВӏаштӀара даьча цӀеношкара хьал дувцаш, уж цӀенош тӀадола доазув кердадаккха дезарах дийцар; берашта ловзара йола моттигаш тоаеш,хозъеш.
Иштта доал деча даькъ тӀарча кулгалхоша, шоаш администраце комиссеца болаш балха даькъ тӀа даьчох дийцар, цу юкъе дар бахархой эскаре тӀахьехарах.
Кхетаче дӀахьош, Дидиганаькъан Ахьмада тӀадиллар сиха а дика а уж декхараш хӀара даькъ тӀа кхоачашдар.
