«Илдарха-ГӀалан кулгалхочо Дидиганаькъан Ахьмада кулгал деш, дӀахьош хиннача терроризма духьаларча комиссе, аргӀанара йоацача кхетачене дийцар нах дӀа-юха баха ахарах йола российски бокъонаш лелаярах, кхыча паччахьалкхен бахархошца беш бола болх тоабарах.

Из дош дувцаш баьча балхах йола отчёт йир Илдарха- ГӀалий тӀагӀолла йолча Россе ОМВД полице кулгалхочун гӀончас Балай Муслима»,-йоах хоамо.

Цу тайпара лаьрхӀад, кхыча паччахьалкхен бахархой дукха бахача моттигашка, нах баха ахара бокъонаш лораяра болх царца дӀабахьа, цу юкъе терроризма наькъ тӀара хьалаш нийслургдоацаш.

Цул совгӀа, кхыча паччахьалкхен бахархошта эша хоам тӀабола материалаш кийчъяр. Центральни азиатски республикера баьхкача нахага, бокъонаш луш дола каьхаташ, Ӏаьдалца бувзам хилара бола хоам, кхыдола каьхаташ хила деза.