Кердача ишколашта тӀадолха наькъаш тоадеш латт Илдарха-ГӀалий тӀа
«Дешар» яхача къаман программага гӀолла 720 дешархочоа моттигаш луш йола ши ишкол хьалйир дӀадахача шера Илдарха-ГӀалий тӀа. Таханарча дийнахьа, цу ишколашта дӀатӀадолхаш дола наькъаш дикка тоаде дезаш декхар латт администраценна хьалхашка. Из хоам «Сердало» газетага бир цигарча администраце.
«Массехк никъ ба тахан эггара хьалхарча тоабе безараш. ДӀадахача шера тоабир №6 йолча ишкола тӀабода никъ, № 7 йолча ишкола тӀабодаш бола никъ ба укх шера тоабе безаш», - йоах тхогарча хоамо. Цу гӀулакха кийчо еш ба тахан хьакимаш.
ХьатӀабоагӀа бутт йистебоалаш къоастаергья из болх дӀахьоргбола, наькъаш тоадеш йола моттиг. № 7 йолча ишкола болхлошка, берий даьшка, шахьара 2-ча кхалерча бахархошка цу гӀулакхах кхеташ, сатохаш хила йоах шахьара мэра. Катехха болх йистебаккха аьттув массахана хилац, эггара керте латт ахчан гӀулакх. Ше-ший аргӀагӀа дӀахьоргба из болх, Даьла низаца.
