Лочкъаяь хинна машин хьакорайир, Илдарха-ГӀалий тӀарча полице болхлошта
17.06.2025 11:00
Илдарха-ГӀалий тӀарча полице болхлошка латкъа венача 28 шу даьннача МагӀалбикерча вахархочо дийцар, цӀен юхе лаьттача «Лада Гранта» яхача ший машинаца зӀамагӀа вола воша хоаттам боацаш дӀавахав, вода моттиг ца оалаш. «Сердалога» из хоам бир Ӏаьдала болхлоша.
Сиха оарцагӀбаьннача МВД болхлоша Наьсарера хьалаьцар из машин. Лоаллаш ваьгӀар 26 шу даьнна Магаса вахархо ва. Цо белгалдир, машин Интернете оттабаьча хоамага гӀолла ийцай ше, аьнна. Цо иштта белгалдир, машин йохкаш хиннача из дӀайигача сага машина да ше ва аьнна ехкалга.
Илдарха-ГӀалий тӀарча моттиге Ӏочуйигар машин Ӏаьдало. 700 эзар сома зе даьд 16 шу даьннача вошас машина даьна. Дукха мах бола хӀама лочкъаярах бехктокхаме озаргва из саг.
