Илдарха-ГӀалий тӀа боаца арахьара тӀабаьхка нах дӀаязбаь хилар гучадаьлар
Илдарха-ГӀалий тӀагӀолла йолча Россе ОМВД полице болхлоша «Бокъо йоацаш венар-2024» яхача операце болх дӀахьош, гучадаьккхар арахьара тӀабаьхка нах дӀаязбеча воаццаше дӀаязваь кхыча паччахьалкхен 4 саг латташ хилар, яхаш, дийцар «Сердало» газетага мехка МВД.
«Царна духьала доагӀаш дола Ӏаьдала каьхаташ оттадаьд. Илдарха-ГӀалан вахархочо из болх лелабар дӀалоархӀаргда Российски Федераце Уголовни кодекса 322.2 статьяца доагӀаш ма хиллара», - аьлар хоамо.
Белгалдоаккх, РФ Паччахьалкхен Думан депутаташа 60 млн сомага кхоачаш гӀод тохара йола проект юкъеяккхар, цу тайпара каьхаташ доахаш уж кхыча паччахьалкхен нах цар лелабарах.
Белгалду, юридически сага, уж бокъонаш телхаярах 5 – 10 млн сомага кхаччалца, каьхаташ хьа а доахаш, гӀод тохаргда. ШозлагӀа из нийслой, 10 - 60 млн сом, иштта цун боахамцара хӀамаш хьа а йоахаш.
