Илдарха-Гӏалий тӀа дӀабихьар «Даьхен гӀулакх ду» яха болам
15.02.2025 12:48
«Даьхен лорбой» ганза филиало дӀахо а дӀахьу «Даьхен гӀулакх ду» яха Ерригроссийски болам. Укх наькъа Даьхенна мутӀахьа хилара урок дӀаяхьара хержаяр Илдарха-Гӏалан №5 йола юкъера ишкол, аьлар «Сердало» газетага из болх вӀашагӀбеллараша.
«Из дӀахьош, ЛаьрххӀача тӀема операце ветеранаша Къоастой Бахьаудина,Темарханаькъан Микаила къамаьл дир дешархошца, шоай тӀема мугӀарашкарча хьалах а тӀемах а дувцаш», - аьлар хоамо.
Цар яхачох, тӀема гӀулакх леладераш боккъонца бола шоай мехках дог лазаш бола нах ба, уж гӀерт массадолча адама вахар машаре хилийта. Уж дерригача дунен тӀа машар оттара тӀехьа ба. СВО бӏухошца хиннача кхетачено берашта чудоссийтар; Даьхе езар а из лораяр а лоархӀаме хилар.
