Илдарха-Гӏала цӀенъеш, боккха санитарни болх дӀабихьар
Шинарча дийнахьа Илдарха-Гӏалий тӀа, беза мархий бутт чакхбоалаш, санитарни лостам бе арабаьлар дуккхабараш, шахьар цӀенйир, гаьнаш дӀаегӀар, яхаш, дийцар «Сердало» газетага доал деча даькъ тӀа.
Хоам бу, цу болама юкъе 300 гаргга саг хиларах дакъа лоацаш, уж бар шахьара администраце, цунна чуйоагӀача организацей болхлой, юкъарча дешара моттигий дешархой - «Хьалхарчар болама» хьинар дола нах, волонтёраш.
Цар цӀенйир керттерча Ӏама берда йистош, иштта Шолжа йистош.Цул совгӀа, цар лостам бир административни гӀишлон уллуврча моттигашка, салоӀаш долча доазон тӀа.
«Из болх дӀахьош 130 галий нувхаш гулйир, 85 га дӀаегӀар. Шахьара кулгалхочо Дидиганаькъан Ахьмада баркал аьлар цига дакъа лоацаш мел хиннарашта, цу дикача гӀулакха уж иштта кийча хиларах», - хоам бу Илдарха-Гӏалан администраце.
