Илдарха-ГӀалий тӀа сага могашал лораяра боарам лелабой хьежар
Илдарха-ГӀалий тӀа прокуратуро тӀахьожама болх дӀабихьар, шахьара дешара моттигашка наьха могашал лораяра йола бокъонаш лелайой тохкаш, къаьстта берий. Шахьаре болх беш бархӀ ишкол я, ялх берий беш я, яхаш, дийцар «Сердало» газетага тӀахьожам лоаттабеча боахаме.
Из болх дӀахьош гучадаьлар ишколай лорий кабинеташка эшаш бола гӀирс боацилга. Масала, плантографаш, оториноскопаш, лорий грелка, кхы а дукха лоархӀаме гӀирсаш доацаш дар.
«Из бахьан долаш, прокуратуро суде 14 лоткъам чубелар ГӀалгӀайчен дешара Министерствон, дешара моттигашта духьала, эшача гӀирсашца кабинеташка Ӏалашо яра», - аьлар хоамо.
Цул совгӀа, шахьара прокурора, дарбанчен цхьан болхлочун духьала гӀулакх хьадийллар, лора цу гӀулакха эшаш бола гӀирс боацаш дарба даь хиларах.
Прокуратура тӀахьожаш я из гӀулакх тахкара.
