Илдарха-ГӀалий тӀа берий Денна хетаяь кхетаче дӀайихьар
Бераш лорадара Ди хьатӀадоагӀаш, ший тайпара хоза кхетаче е лаьрхӀар вай мехка. «Беркут-Юг» ОМОНа даькъ тӀа кхетаче дӀайихьар дешархоша дакъа лоацаш, яхаш, дийцар «Даьхен Лорбой» яхача лоадама ганза моттигерча филиала зарбан болх лелабераша.
«Йийллача наӀарий ди долаш, берий таро хилар керда яьнна тӀема техника го, отряд вӀашагӀйоллара истори, цун турпалхой дикагӀа бовза.
Кхетаче дакъа лоацаш бар Наьсарен-Шахьара №1 йолча лицея, Илдарха-ГӀалан №2 йолча юкъерча ишкола дешархой, СВО доакъашхой бераш, «Хьалхарчар Боламера» хьинар дукхагӀа дараш, «Даьхен Лорбой» ганза вахара Ӏалашон болх лелабераш, кагирхой политикани туризмаи Министерствон болхлой», - аьлар тхога хоам баьчо.
Доккха доаца театра ловзараш оттадаь хиларца, бераша гойтар зуламаш юкъера дӀадахара хетаяь тема.
Росгварде урхаллен «Беркут-Юг» яхача ОМОНа тӀема гӀулакх гойтача моттиге, къонача Даьхе езарашта дайра мехка тӀема толамий истори. Ара вӀашагӀъеллача кухне хӀама дуаш, хоза салоӀача боараме чакхъяьлар кхетаче.
