Россе байракха хетабаь болам дӀабихьар Илдарха-ГӀалий тӀа
21.08.2024 16:12
РФ Паччахьалкхен байракха Ди гаргакхачарца дувзадаь, Российски триколор михаца шершаеш болам болам дӀабихьар Илдарха-ГӀалий тӀа.Из хоам «Сердалога» бир «ЦаӀ йола Росси» яхача парте оагӀоно.
«Шахьарерча № 1 йолча ишкола дешархошца цхьана дӀабихьар из болх парте викалаша. Геттара раьза болаш, дакъа лаьцар цу юкъе бахархоша», - йоах хоамо.
ГӀо деш лелараша байракхаш дӀаекъаш, триколора истори довзийтар наха. Белгалде деза, иштта долча боламаша Россе бахархошта юкъера бувзам, барт чӀоагӀбелга, Даьхенцара лерхӀам керте оттабелга.
«Оаха геттара раьза долаш дакъа лаьцар цу боламе. Вай боккхача, низ болча мехка триколора истори массанена довза деза. Вай дерригаш вӀашкаозаш, Даьхенцара безам чӀоагӀбеш бола оагӀув ба из», - дийцар парте доакъашхоша.
