Илдарха-Гӏалий тӀа гучадаьккхар машин йодаяр
07.05.2025 16:35
Илдарха-Гӏалий тӀа, полице болхлоша машин йодаяь хиннар хьалехар. Из хилар кхувш воагӀа кӀаьнк. Бекарга бетта 29-ча дийнахьа, ОМВД ха деча даькъ тӀа заявлени язъе вера моттигера вахархо, ший коара «ВАЗ-2106» автомобиль яйна хиларах, яхаш, дийцар «Сердало» газетага бокъонаш лораераша.
Полице сиха лехар къоал даьр, из вар цу моттиге вахаш вола кӀаьнк. Из отделе Ӏочувоалавир, ше даьчох дехкеваьнна хилар гуш дар, цунгара лоткъам эцача хана. Машин хьакораяь, из полице отделе хьайоалайир.
КхувшвоагӀача кӀаьнка духьала уголовни гӀулакх хьадийллар, нанна административни протокол оттадир, ший дезалхочунга из лерттӀа цахьажарах.
