Илдарха-Гӏалий тӏа кхоачашъеча къаман проектий дикалга хьож
«Илдарха-Гӏало терко тӏайохийт, къаман проекташ кхоачашъяра дикал лакхъеш. Цудухьа цига яха хилар боахамашта юкъера болхлой тоаба Градусова урам тӏа. Из тоабаь дукха ха яц «Шахьара дика хьалаш хьакхоллар» яхача федеральни проектах, «Вахара хьалаш» яхача къаман проектах», - аьлар «Сердало» газетага шахьара администраце зарбан болх лелабеча Мутаӏаланаькъан Мадинас.
«Тӏахьожам бара болх дӏахьош дакъа лаьцар доал деча даькъ тӏарча кулгалхочун гӏончас Жандиганаькъан Азраила, депутата Овшанаькъан Вахас, Белхарой ӏаьлас, Султиганаькъан ӏарбе, иштта шахьара Юкъарлон кхела викала Гӏанажанаькъан Хьасана.
Тӏахьожама чудоагӏаш дар балха дикалга хьажар, бахархошта цу хувцамех хетар фуд хар»,- аьлар хоамо.
88 шу даьнна ва шахьара вахархо Овшанаькъан Баьтар-Султан, цо аьлар; никъ асфальт билла кийчбар, гӏашлошта наькъа такилгаш дар бахьан долаш, юртхой вахара хьалаш хинначул дуккха а дикагӏа да, аьнна
Иштта тхоца къамаьл деш хинначо яхачох, кхадж тассара чаккхенга хьежжа, Градусова урамера хьалаш хийцар массехказа. Карарча шера тоабир 954 метр йола никъ. Цу гӏулакхо таро елар дукхагӏа мухь тӏалатташ дола наькъаш мукъадаха.
