Илдарха-ГӀалий тӀа кагирхой хаттарий ловзар хилар
10.06.2024 16:50
Илдарха-ГӀалий тӀа хаттарий ловзар дӀадихьар, из хетадаь дар ГӀалгӀай паччахьалкхен 100 шу дузаш хилара, яхаш, дийцар «Сердало» газетага ГӀалгӀай Республикан кагирхой совете.
«Кхетаче вӀашагӀъеллаяр моттигерча муниципалитета дагадохарах, из хӀара шера дӀаяхьа лерхӀаш а я. Доакъашхоша, массехк тоаба бекъабенна, хьалохар шахьара цхьайола гӀишлош карта тӀара.
Юххера а, ловзар йистедоалаш, хьалхара моттиг яккхара яхьашка баьлар ГӀалгӀайчен Кагирхой совета, Илдарха-ГӀалан мэре болхлой», - йоах хоамо.
Котбаьннараш грамоташца, мах болча совгӀаташца белгалбоахаш хилар, шахьара кулгалхочун гӀонча Йовлой Тимур.
