ГIалгIайчен Илдарха-ГIалий тIа «Мотт-халкъа дийна са» яха концерт хилар
Кино, театра, таханарча заман тароний Центра кхоллама тоабо Илдарха-ГIалий тIа вIашагIделлар «Мотт-халкъа дийна са» яха концерт, цун маIан дар кхувшйоагIача тIехьенна юкъе дукхагIа гIалгIай мотт боаржабар, яхаш, дийцар «Сердало» газетага ЦТКкИ.
НачIал долча артисташа Илдарха-ГIалан №1 йолча гимназе дIадихьача ашарий гIирсаш юкъедоахаш хиннача ловзарашка хьежа хьехархой а дешархой раьза болаш бисар. Ма ярра метта хозал, кIоаргал йовзийтача Магасерча иллиалархоша дег чу дувшаш дола иллеш даьхар. Из кхетаче дIаяхьарах боккъонца дола цIай хилар.
«Ший мотт безаш, ховш хилар - из къам ше морг кхы доацаш хилар да, цудухьа тха болхлоша а цу лоархIамеча хьала юкъе шоай дакъа дахь», - аьлар театра, кино, таханарча заман тароний Центра кулгалхочо Зортанаькъан Мадинас.
