Илдарха-ГӀалий тӀа къахьег, цахаддаш хий хилийта гӀерташ
10.06.2024 15:08
ГӀалгӀайчен Илдарха-ГӀалий тӀа моттигера Ӏаьдал, цунна чубоагӀаш бола болхлой хьинаре къахьегаш ба, шахьара доазон тӀа цахаддаш хий хилийта гӀерташ. Из хоам «Сердало» газетага бир доал деча даькъ тӀарча Ӏаьдала викалаша.
«Хий хьадоагӀаш цахилар бахьан долаш, ДжабагӀанаькъан урам тӀа хий хургдола болх дӀахьош ба. Из кхоачамбоацар юкъера дӀадаккхара хин турбаш Ӏойоахкаш латт», - аьлар хоамо. Цу урам тӀа бахача наха хий хилийта дагахьа, шийна могар деш да моттигера Ӏаьдал.
Из болх дӀахьош ба шахьаре Бачаланаькъан урам тӀа, цига 200 метр тишъенна хин турбаш хувцаш латт. Из болх кхоачашбаро цахаддаш хий хилийта таро лургья.
Бахархошка хоам баьб, цу хьакъехьа бола хоам царна бовза йиш я диспетчесрке укх номерах телефон техача: 7+988 120 08 07.
