Дуача хIаман маьхаш мишта латт хьежар Илдарха-ГIалий тIа
07.03.2025 11:15
Рамадан бетта наха эггара дукхагIа ийбеш болча кхачан маьхаш малагIча боарам тIа латт хьожаш, чакхбаьлар шахьаре гIолла цу оагIонцара болхлой.
Из хоам «Сердалога» бир шахьара мэре. Базарашка, тикашка бохкаш латтача кхачан маьхаш, иштта цар хьал тохкаш болх ба дIахьош.
«Тохкама балхо хьагойтар, маьхаш боарамал лакхагIа айдаь доацилга. ХIама йохкарашка дехар дир, иштта еза ха латтача хана, маьхаш ий ца деш, наха паргIато е хьожаш хила, аьнна.
Базархой раьза бар цу гIулакха, шоай ма хулла, эггара дукхагIа ийеш йолча хIамашта тIера маьхаш Iодоахаш болх дIакхухь шоаш, аьлар цар», - йоах тха газетага бенача хоамо.
