Илдарха-ГӀалий тӀа гучадаьккхар, Ӏалам лорадар телхадеш хилар
ГӀалгӀайчен Ӏалам лорадара Министерствон паччахьалкхен инспектораша, шоаш рейдаш еш, Илдарха-ГӀалий тӀа гучадаьккхар Ӏалам лорадара бокъонаш телхаеш хилар, яхаш, дийцар «Сердало» газетага Ӏалам лорадераша.
«Болх дӀахьош белгалдир, Рабочи, ДжабагӀанаькъан урама саьн тӀа латта дарбанчен гӀишло дӀайоаккхаш хилар. Цигара хьагулъяь нувхаш дӀакхувсаш яр яьссача ара, цӀенача лаьтта. Из да 24.06.1998 шерара, №89-ФЗ йола «ГӀишлон нувхаш лелаярах» дола Федеральни закон, «Гонахьара Ӏалам лорадарах» №7–ФЗ йола 10.01.2002 шерара Федеральни закон телхдеш хилар.
Цу хана, цу даькъ тӀа тайп-тайпара гӀишлошъяра лаьрххӀа техника яр болх беш. Бокъонах доагӀаш ма хиллара, Ӏалам лорадараша ГӀалгӀай Республикан Прокуратуре, цу гӀулакха терко яр дехаш, каьхат дӀадахьийтад, бехке бараш бехктокхаме озаргболаш.
