«Ткъо совгIа болча къахьегамхоша, куц тоадеш, лостам бир шахьаре. Гаьнаш дIатедаш, кердаяраш дIайогIаш, нувхаш дIайоахаш болх бир цар. Парте шахьарерча оагIоно кхайкабаьча боламах дIадихьар из беркате гIулакх», — йоах тхога бенача хоамо. «Хан-ханнахьа шоатта дIадахьаро хьагойт, наьха Iаламцара лерхIам, шахьара моттигаш цIена хилар царн ловш долга.

Кхувш латтача тIехьенна масал хила деза вай тахан. Хозача, беркатеча гIулакхашкара дIадолалу деррига. ХIара сага дIахьокхар ший юхь я, хIара саг декхарийла ва, Дала боккха къахетам баь, хьаденна Iалам лораде», — дийцар тхога шоатта дIахьош хиннараша.