Илдарха-ГӀалан вахархо суда хьалха оттаргва, полицейскена качваха гӀертарах
23.06.2025 17:04
ГӏалгӀайчен Илдарха-Гӏалий тӀа 22 шу даьнна вахархо бехке ву, полице болхлочунна низ тӀабахьа гӀертарах, из ший балха декхар кхоачашдеш волча хана, аьлар «Сердало» газетага тӀахьожамхоша.
Тохкамхоша яхачох, 2025 шера маьтсела бетта 11-ча дийнахьа, зӀамига саг шахьаре гӀолла воагӀаш вар, геттара баьддаь машена кораш а долаш, номераш а йоацаш. ДПС болхлоша соцавича из цо теркал а данзар, цул совгӀа вада лаьрхӀа вар.
Полици цунна тӀехьаяьлар, чӀоагӀа микрофонаца саца, яхаш. Цул тӀехьагӀа, герз техар цун машина чархашта. Автомобиль сецар.
Ше соцаваьчул тӀехьагӀа, водитель полицейскена мӀарга тоха хьежар. Хӏанз цунна кхел ергья Ӏаьдала духьалваларах. Гӏулакх дӀадахьийтад Илдарха-Гӏалан суде.
