Хица хинна хатар дӏадоаккхаш баьхкар Илдарха-Гӏалий тӏа
11.09.2025 11:21
Осканаькъан цӏерах болча урам тӏарча хица хинна хатар юстардаккха арабаьлар цу оагӏонцара болхлой. Из хоам «Сердалога» бир «Даьхен лорбой» яхача ганза болхлоша.
«Хатар хиннад аьнна хоам баьраш бар СВО ветеранаш болча Чанинаькъан Хаважа, Гӏудантанаькъан Тимура фусамашкара нах. «Даьхен лорбой» яхача ганза болхо волча Темирханаькъан ӏисайгара дийхар цар гӏо; хӏаьта цо, ӏалаьмате чехка хоам баь, оарцагӏбаьхар Наьсарерча водоконала къахьегамхой. Ийккха хин турба меттайоалаяь, бахархошта хий хьадоладалийтар цар», - дийцар тха газетага.
