Илдарха-ГӀалий тӀа набахта валла суд йир, СИЗО болхлочунна качвахачоа
30.06.2025 16:44
Илдарха-ГӀалий тӀа набахта валла ха техар моттигерча 26 шу даьннача вахархочунна. Из хьалхагӀа а лаьца ваьллав. Ӏаьдало из бехке ву лоткъам эцача юкъа нах чубехкача моттига болхлочунна качвахарах, яхаш, дийцар «Сердало» газетага республикан Тохкама комитето.
Из нийсделар 2024 шера лайчилла бетта 30-ча дийнахьа. СИЗО волаш, цу сага дийнахьа ха деш хиннача инспектора фоартах хӀама техар. Из юкъарлон болх кегабар санна дӀалаьрхӀар.
Тохкамхоша гулдир из бехкевеш дола кхоачам хиллал каьхаташ. Цунна 2 шу суд йир чӀоагӀа тӀахьожам лоаттабеча набахта ха яккха.
