Илдарха-ГӀалий тӀа, гӀалгӀай къам мехкахдаккхара хетабаь, гойтам хьабийллар
06.02.2025 16:03
ГӀалгӀай Республикан исбахьален искусствай паччахьалкхен музее кийч- баьб гӀалгӀай къам мехках даьккха 81-гӀа шу хилара хетабаь гойтам, аьлар «Сердало» газетага культуран урхалене.
«Цига го йиш я дика бовзаш болча суртанчий дукха балаш, иштта кулгаговзала искусствон оагӀув а я гойтаме оттаяь. Илдарха-ГӀалан бахархоша, иштта кхыча юрта бахарий таро я цу балхага хьажа, кхоллама балхаш довза, цига гӀолла Казахстане даьккхача 13 шера вай къамо лайна бала бовз», - аьлар ГӀалгӀай Республикан ГМИИ зарбан болх лелабераша.
Белгалду, культуран урхаллено саькура бетта 23-ча дийнахьа дагалоаттама кхетаченаш дӀахьош хилар.
