Бахархой дехарах, хий тоадир Илдарха-ГӀалий тӀа
21.05.2025 16:46
Хин турба эккхарах, цӀагӀа хий чудаьнна, халача хьале эттар шахьара яхархо Джимханаькъан Лейла. Боккхача дезала нана йолча цун дехарах, из хьал меттаоттадеш баьхкар цига. «Сердалога» из хоам бир «Даьхен лорбой» яхача ганза моттигерча филиале.
«Ганза вахара дешаш кхоачашдеча Темирханаькъан Ӏийсас. ше тӀахьожам беш, дӀабихьар из болх. ГУП «Водоконала» къахьегамхой баьхкар цига къахьегаш», - йоах тхога бенача хоамо.
ТӀема операце юкъе цӀен-да де доацаш вайна, ше цхьаь цӀа леладеш, ворхӀ бер ураоттадеш къахьегаш я Лейла.
