Илдарха-Гӏалий тӀа «Хьалхарчар болама» РДДМ карагӀдаьнначох дийцар
«Хьалхарчар болам» яхача Ерригроссийски берий, кагирхой болама болх лелабара йолча кхела доакъашхоша дийцар, Илдарха-Гӏалий тӀа кхетаче йолаш, шоаш даьхача толамех. Из хоам «Сердало» газетага бир мэре зарбан болх лелабеча МутаӀаланаькъан Мадинас.
«Цу юкъа, юкъарлон болхлоша из болх вӀашагӀболларал совгӀа, шоаш а дика дакъа лаьцар доал дара даькъ тӀа; мехка, халкъашта юкъе дӀахьош йолча кхетаченашка. Кхела доакъашхоша белгалйир «Хьалхарчар тӏахьехар» яха спортивни проект, иштта тӀема-патриотически ловзар «Зарница 2.0», «Хьалхарчар Даьхе» яха ловзар, Сийлахь-боккха тӀом йистебаьнна 80 шу дизара сийна бола болам дӀабахьар. Иштта дийцар «Георгиевски зига» боламах, «Тхо - Россе дахархой» яхача паспорташ дӀалуш йолча кхетаченах», - аьлар хоамо.
Кхы кӀезигагӀа дакъа лоацаш хиланзар толама кхадж тассар а юкъарлон доазонаш тоадара 2026 шера, «Вахара хьалаш» яхача къаман проектах. Волонтерий новкъостала а мах оттабир.
Дӏахо де лерхӀачунга диллача, гулбеннараша дийцар тӀема-спортивни ловзараш дӀадахьарах, иштта «Къона кхолламхо» яха доал деча даькъ тӀара яхь дӀаяхьарах, Илдарха-Гӏалан йоккхагӀа йолча промышленни предприятешка гӀолла дешархошта экскурси ярах, новкъостал де саг воацаш биса къоаной хьаллацара болам дӀабахьарах.
