Халача хьале барашта гIо дир Илдарха-ГIалий тIа
08.12.2025 12:42
Халача хьале болча бахархошта гIо лоаттадарах болча оагIон болхлоша 10 дезала новкъостал дир. Из хоам «Сердалога» бир шахьара администраце зарбан болх лелабеча Кхоартой Мурада.
«Шахьара даь гIонча волча Йовлой Тимура аргIанарча кхетаче 10 сага чуденна дехараш техкар. Царна юкъера виъ саг арахьа дIаваха дарба де гIо дехаш вар, кхо моттиг яр молхашца новкъостал дар дехаш, хIаьта кхаь дезало вахара хьал меттадоаладара тIехьа оагIув хьаллаца шоай яхаш дехар дора. Дикка тахкачул тIехьагIа, цу массабарашта могаш дола новкъостал де лаьрхIар администраце», - йоах тхога бенача хоамо.
