Илдарха-Гӏалий тӀа дӀахьоргья, 3D Ӏадсаькх кхоссарах йола йийлла яхь
15.07.2025 16:59
Илдарха-Гӏалан 30 шу дизарца дувзаденна, ГӏалгӀай мехка кӀимарса бетта 19-ча дийнахьа йийлла яхь дӀахьоргья 3D Ӏадсаькх кхоссарах, яхаш, дийцар «Сердало» газетага из болх вӀашагӀбеллараша.
«Спортивни яхьаш дӀаяхьа дагадехар я «Дзурдзук» клуб иштта шахьара администраци. Цига дакъа лаца ловш бола бахархой, мехка хьаьший дӀаязбала безаш ба. Керттера яхьаш дӀайолалургья Ӏуйрийна 10 сахьат даьлча. Цига юкъедаьхад спортивни ловзараш: Олимпик, Блочный Ӏадсаькх, Лонгбоу, Баребоу, Инстинктив, исторически Ӏадсаькх, Кердабараш, Бераш. Яхь чакхйоалаш, ловзачарна грамоташ, мах бола совгӀаташ лургда», - аьлар хоамо.
Белгалду, Илдарха-Гӏалан гонахьа Ӏалама ши моттиг хургья, шийтта-шийтта хьежорг латташ.
