«Хьалхарчар болам» яхача оагӀон доакъашхошца, кхетаче дӀайихьар Илдарха-ГӀалий тӀа
Илдарха-ГӀалий тӀарча гимназе кхетаче дӀайихьар «Хьалхарчар болам» яхача оагӀон доакъашхоша Мазенаькъан Апте, Коазой Сайт-Мухьаммада, Чопанаькъан Зуляс, иштта Хьалхарчар берий совета кулгал деча Хьоашалнаькъан Хаде.
«ГӀо деш болча кагирхоех лаьца къамаьл хилар цига, хьоахадир, цу юкъе дакъа лаца безам бола кагирхой хӀара денна дукхагӀа хулаш латтилга, «Хьалхарчар болам» яхача оагӀоно царна беча пайдах», - дийцар «Сердало» газетага кхетаче хиннараша.
Иштта йола кагирхошцара кхетаченаш тахан геттара эшаш я. Дешархошта юкъера бувзам, барт чӀоагӀбу цар, керда проекташ кхоллара тӀехьа совбоах. «Классера сахьат» яхача, Россе ишколашка Ӏадат хинна дӀаэттача кхетаченашка, шоаш масал эцача нахаца къамал де, цхьацца хаттараш дашха аьттув ба берий. Царгара нийсадар, сий доаккхаргдар Ӏомаде лов кагирхошта.
