«УнахцӀена ахка» яхача лагерерча бераша спортацара ди дӀадихьар Илдарха-ГӀалий тӀа
25.06.2025 16:17
Шахьарерча № 6 йолча лагере бераш спорта, физически культуранна тӀахьехаш дола ди дӀадихьар. Из хоам «Сердалога» бир мехка дешареи Ӏилмани гӀулакхех йолча министерствос. «Программан юкъе дар сакъердаме спортацара ловзараш, яхьаш, иштта тренерашкара гойтамаш, дукха кхыдараш», - дийцар тхога.
ЧӀоагӀа раьза дар бераш цу дийнахьа дӀайихьача кхетаченна, хӀаравар цхьацца говзал хьокха гӀерташ вар. Иштта йолча моттигаша берий дог ураоттаду, тоабанца яхьаш дӀакхахьа Ӏомаду, спортацара безам чӀоагӀбу.
