Эскаре амал де тӀабийхарий ди дӀадихьар Илдарха-ГӀалий тӀа
Илдарха-ГӀалий тӀарча № 3 йолча ишколе дӀадихьар эскаре амал де тӀабийхарий Ди. Кагирхой вахаре лоархӀаме ди да из, хӀана аьлча цигара дӀаболалу цар боккха никъ, вахара оагӀонаш довзар, денал чудоссар. Ишколерча актови зале гулбеннабар хьакимаш, депутаташ, бахархой.
«Кагирхой вахара никъ беркате бувцаш дӀадоладир ший къамаьл «ЦаӀ йола Росси» яхача парте моттигерча оагӀон секретара гӀонча волча Дидиганаькъан Ахьмада. Шоай декхар дизза кхоачашдаь, могаш-маьрша болаш цӀенах кхета даькъалабийцар цо кагирхой. Халкъа Гуллама депутат волча Олганаькъан Бадрудина дийцар, тахан эскаре амал де тӀабехара гӀулакхах лаьца. Из хоам «Сердало» газетага бир кхетаче дӀахьош хиннараша.
«ТӀаргам» яхача берий ансамблера бераш дар гулбеннарашта шоай начӀал гойташ. Эскаре баха безача кагирхошта, массараша хоза ловцаш доахаш, Даьхен гӀулакхах дувцаш, дӀаяхар кхетаче.
