Илдарха-Гӏалий тӀарча газета болхлой даькъалабийцар балха цӏайца
13.01.2026 14:59
Российски кепайоазон Ди долаш, Илдарха-Гӏалан мэра Дидиганаькъан Ахьмада доал деча даькъ тӀарча «Керда ха» яхача газета болхлой даькъалабийцар.
Цунца дувзаденна, шахьара кулгалхочо белгалдир, моттигерча «Керда ха» яхача газето шахьара политически, культуран, спортивни, дин вахар дегӏадоаладара ший дакъа юкъехьош хилар.
«Профессиональни говзал, начӀал, вахара оагӀонаш хоттаеннача моттиге хила ховш хиларах, эггара чӀоагӀагӀа эшаш дола йоазош хьакхолла вӏаштӏехьадоал журналистий.
Дег тӀара даькъалабувц аз цу даькъ тӀа къахьегаш хьабоагӀа журналисташ, могаш хилба уж, шоай кхоллама даькъ тӀа доккхий толамаш даха низ кхоачалба цар!» - аьлар шахьара кулгалхочо.
