Илдарха-Гӏалий тӀа балха юкъе нийсденна уголовни гӀулакх техкар
ГӏалгӀай Республике гӀолла йолча Российски Федераце Тохкама комитета Илдарха-Гӏалан тохкама даькъа болхлочо техка даьккхар моттигерча яхархочунна духьалара уголовни гӀулакх, из бехке еш яр ший балха юкъе харцо яккхарах, яхаш, дийцар «Сердало» газетага ГӏалгӀай Республике гӀолла йолча Россе СК Тохкама урхаллено.
Тохкамхочо яхачох, 2024 шера саькура беттагара маьцхали беттага кхаччалца, МагӀалбик-Шахьаре гӀолла йолча хица Ӏалашо яра, хиш дӏаахийтара даькъ тӀарча ГУП абонентски отдела кулгалхочун гӀончас, шийна болча пайданна, лаьрххӀа долча каьхаташта юкъе харц тешалаш доаладаьд - республикан яхархочун балха табель, бакъда из саг вӀалла балха а хиннаяц», - аьлар хоамо.
Уголовни гӀулакха чудоагӀаш, деррига къайлагӀа леладаь харц тешалаш гучадаьхар тохкамхоша дӀабихьача балхо. Хӏанз из уголовни гӀулакх тохкаргда судо.
