СВО докъашхочунна Котанаькъан Адама хетадаь улг оттадир Илдарха-ГӀалий тӀа
08.04.2025 10:22
Украинерча тӀема операце доакъашхо волча Котанаькъан Адама хетадаь улг оттадир шахьаре. Из хоам «Сердалога» бир «Даьхен лорбой» яхача ганза болхлоша.
«Адам ший дезалца ваьхача доазон тӀа, шахьара юкъе хьалтехар бӀухочун сурт тӀалатта, цун тӀема никъ бувцаш дола улг. ОБРОН 49-ча къаьстача тоабан 126-ча полка бронетанкови гӀулакха хьалхалатташ хиннав вай мехкахо. 2022-ча шера гуйран хьалхарча бетта 12-ча дийнахьа денз, де доацаш байнарашта юкъе ва Адам», - дийцар тха газетага.
Ганза болхлоша белгалдечох, Илдарха-ГӀалий тӀарча бахархошта мехкахочун деналах, майралах, яхьах дувцаш хургда из улг.
