Илдарха-ГӀалий тӀара машинаш юла еррига моттигаш цхьан юкъа дӀакъайлай
17.07.2025 10:35
Шахьарерча хьакимаша цхьан юкъа машинаш юла еррига моттигаш дӀакъайлай. Цар болх соцабар бахьан да, укх йӀовхалах бахархошта хий тоъаш цахилар. «Сердалога» из хоам бир мэре зарбан болх лелабеча МутаӀаланаькъан Мадинас.
Из болх дӀабахьара тӀагӀолла, машинаш юлача моттигашта доал дерашца къамаьл де вӀашагӀкхийтар «ЦаӀ волча оператора» ГУПа, шахьарерча ОМВД, мэре болхлой.
Шахьаре болх дӀахьош йолча итт моттигá доал дераш бар гулбеннараш», - йоах тхогарча хоамо. Из соцам баьр ва шахьара кулгал деш вола Дидиганаькъан Ахьмад, бахархошта хий дӀакхоачаш цахиларах.
