Илдарха-Гӏалий тӏа ахчан совгӏаташ дӏаделар, берий суртий яхье котбаьннарашта
«Даьхен лорабой» ганза гӏалгӏай филиала ахчан совгӏаташ делар берий суртий яхье котбаьннарашта. Из яхь дӏайихьар Илдарха-Гӏалан администраце хьаллоацаш, наьна Ди хиларца дувзаденна, яхаш, дийцар «Сердало» газетага цу паччахьалкхен урхаллене.
Из цӏай хьатӏадоагӏаш, Лаьрххӏача операце бӏухой, иштта бейнарий бераша шоай сурташка гӏолла гойтар наьнацара безам. Цхьан бетта суртанчий говзал гойташ бола 30 болх хьакхаьчар.
Кхелахошта юкъе бар ганза викалаш, иштта моттигера суртанчаш. Мах оттабеча хана, цар дӏалоархӏар мел кӏоарга хьагойт бераша шоай дегай уйлаш, наьнацара безам, исбахьален говзал. Чаккхе еш белгалвир котваьнна пхи саг. Кхоалагӏа моттиг йийкъар кхаь доакъашхочо. Совгӏаташ луш вар «Даьхен лорабой» ганза филиала вахара болхло Темарханаькъан ӏийса.
Тхоца къамаьл даьчо яхачох, из яхь дӏаяхьаро новкъостал ду берий кхоллам дегӏабоалабе, халача вахара хьалашка уж хьаллаца.
