ТIемхошта хетаяь лекци дIайихьар Илдарха-ГIалий тIарча ишколе
12.03.2025 13:07
Тайп-тайпарча ханашкарча тIемхошта хетаяь лекци дIайихьар Илдарха-ГIалий тIарча № 3 йолча ишколе. Из хоам «Сердалога» бир цу моттигера.
«Даьхен лорбой» Ден хетаяь яр из кхетаче. Дунен тIара машар бахьан долаш, шоай синош Iодийхкача тIемхой истори дагалаьцар хьехархоша, бераша», - йоах хоамо. Цу гIулакха хьалхаэттараша белгалдир, Коталон 80 шу дузаш, тIема аренашка мел лаьттараш дагалаца безилга, турпалхой цIераш дийнъе еза ди из долга.
Вай дегашка массахана баха безаш ба уж нах.
