Низ бара духьалара кхетаче дӀайихьар мехкарча колледже
Чуранаькъан Х.Т. цӀерах йолча Къилбаседа Кавказерча доагора-энергетиках йолча колледже, аргӀанара кхетаче дӀайихьар. Терроризм яхача доккхача зуламах дийцар студенташца Ӏаьдала болхлоша, терроризма духьала къовсам лоаттабеча оагӀонцарча Къамурзой Мухьмад-Башира. Из хоам «Сердалога» бир МагӀалбика кхален администраце.
«Паччахьалкхен, вай бусалба дин бокъонаш йохаеш ва шийна гонахьарча наха зулам деш вар. Сага тӀакхувдар доккха къа да, иштта доккха таӀазар доагӀаш гӀулакх да Ӏаьдалгара», - белгалдир Къамурзой Мухьмад-Башира.
Цу кхетачен керттера декхар - цу харцача наькъ тӀа ваьннар ший ираз доадаь, вахар толхадаь саг волга кагирхошта дӀахайтар. Адама зе деш вола саг, шийна тохаш ва, хӀана аьлча ше йоаккхача хана паргӀатаваьнна дӀагӀоргвац из. Бусалба саг ший дин Ӏомадеш, наха юкъе беркате, машаре гӀулакхаш доаржадеш, Даьхен моттиг лораеш ваха веза.
