СВО ветеранаш юкъе болаш, Денала урок хилар МагӀалбикерча колледже
МагӀалбикерча лорий-вахара оалача колледже дӀайихьар Денала урок. Цу гӀулакха хьалхаэттар «Даьхен лорбой» яхача ганза моттигерча филиала болхло Коазой Хьамид. Кхетаче дакъа лоацаш бар Донбассерча тӀема операце доакъашхой, иштта шахьара администраци.
ТӀема аренашка лораде дезарех дийцар бӀухоша кагирхошта, иштта вай къаман къонгаша гойтача майралах, деналах. Коазой Хьамида дийцар, тахан «Даьхен лорбой» яхача ганза бӀухошта, цар дезалашта эшачунга хьожаш дӀахьоча балхах, шоай гӀулакхаца керттердарех», - аьлар «Сердалога» республикерча Юкъарча палатан доакъашхо волча ГӀаьнтамаранаькъан ЯрагӀе.
Иштта йола кхетаченаш кагирхошца дӀакхахьар, тахан боккха пайда боаржабеш да. Кхувш латтарий дегашка Даьхенцара безам чӀоагӀбу ишттача цхьанкхетараша.
Колледжа студентий дукха хаттараш хилар СВО доакъашхошка. Берригаш раьза болаш, дӀаяхар из урок. Колледжа хьехархоша белгалдир, Денала урокаш дӀакхахьар тахан кагирхошта юкъе лоархӀаме долга, из гӀулакх массайолча моттигашка доаржаде дезилга.
