Мехктохкама музее керда гойтамаш хьадийллар
Малсаганаькъан Тухана цӏерах йолча Наьсарерча музее, тахан ши гойтам хьабийллар - Сийлахь-боккхача Даьймехка тӏема шерашка Магӏалбик мукъаяккхар», иштта мехкдаьттаца диллача 54 суртах латта «ӏаьржа дошув». Бирсача тӏема шерашка Магӏалбикера мехкдаьтта лорадеш хиннараша гойта турпалал дувцаш да мехкарча исбахьален ишколашкарча бераша даьхка сурташ.
«Гойтамаш хьаделлаш йолча кхетаче бераша гойтар мехкдаьттаца сурташ дахкара никъ. Из кхетаче хьаеллача лоархӏаме дакъа лоацаш, гӏо дир юкъарлон оагӏон доакъашхо йолча Матенаькъан Анжелас, иштта къонача суртанчашта хьалхалаттараша», - дийцар «Сердалога» цу моттигера.
Селханара истори, таханардар, вай къаман кхоане хотташ бола болх ба ала йиш я тахан Сийлахь-боккхача Даьймехка тӏема шераш дагадохийташ болча цу гойтамах.
