«Бригантина» яхача лагере, «Артека» 100 шу дизара цӀайна хетадаь концерт хилар
20.06.2025 13:57
Берий могашал тоаяра йолча, МагӀалбика №1 йолча гимназе вӀашагӀъеллача «Бригантина» яхача лагере, сийрда концерт дӀадихьар, из хетадаь дар цӀихезача ерригроссийски «Артек» яхача лагера 100 шу дизара, яхаш, дийцар «Сердало» газетага шахьара мэре.
Цӏайна программа берашта кийчъяьяр шахьара культуран цӏен солисташа. Къонача хьажархоша гӀадбаха тӀаийцар артисташ: цар, хоза а хеташ, тӀехьаоалар иллеш, безамца деттар тӀоараш.
Цӏайх доккха совгӀат хилар царна, иштта хьалхадаьккхар берий салоӀам мел лоархӀаме ба, укх бӀаь шера цӀихезача «Артеке». Цӏай дӀадахьарах бераш чӀоагӀа гӀаддахар, царна ахканцара безам чубессар.
