Зизаш мишта ду Ӏомабир, «Умкай» яхача лагере
23.06.2025 11:45
Лентаех зизаш мишта вӀашагӀдохка йиш я гойташ, болх дӀабихьар Шолжа-Шахьарерча № 7 йолча ишколерча «Умка» яхача лагере. Из хоам «Сердалога» бир Минобра зарбан болх лелабераша.
Кулгий говзалца цхьацца хӀамаш хьае бераш Ӏомош йолча культуран Дворецерча кружока кулгалхочо Хамхой Лидас дӀабихьар из болх. Цо дӀа а хьехаш, лентаех тайп-тайпара хоза зизаш вӀашагӀдехкар бераша.
«Гойтама балхо йиӀигий начӀал гучадаьккхар, цул совгӀа, чӀоагӀа безаме, дог айденна болаш, дӀайихьар цар цигара ха», - йоах тхогарча хоамо. Из кхетаче дӀайихьараша белгалдир, цу тайпарча моттигаша берашта боккха пайда белга.
