ТӀема хана вай мехкахоша гойтача майралах дийцар Ленинградски областе
«Шуга баккха хоза кхаъ ба са, новкъостий! Укх 20 шера хӀанз хьалхара массайолча оагӀонашка доаржадеш хьоахадаьд вай бӀухоех.
«Ладья» яхача Ленинграде арадувлача, Коталон Ден 80 шу дизара хетадаьча журнала тӀа дувц вай деналах бизза хиннача къонгаша тӀема аренашка гойтача майралах.
ГӀибухен-Малхбузерча федеральни куран тӀарча массазарча викала, Ленинградски областерча Паччахьалкхено цхьана къахьийга вӀаштӀехьадаьккха хӀама да из. ГӀалгӀай салташа боккхача тӀема юкъе чакхбаьккха никъ, хӀанз дуккхача адама бовзаш хургба», - йоах тха газетага кхаьчача хоамо.
Вай къаман майрача къонгий тӀема исторех дола дувцараш хургда цу тӀа. Миннаца кулгалхочо теркалдир, из оагӀув Россе вахача хӀара сага лоархӀаме болга. Иштта, доккха баркал кхайкадир цо из гӀулакх вӀаштӀехьа даьккхарашта, гӀалгӀай бӀухой тӀема никъ бовзийташ къахьийгарашта.
